Vangarda e tradición no Santiago é Tapas: Manso, O Afiador e Bodeguilla de San Roque

Se algo distingue ao Santiago é Tapas fronte a outros concursos de petiscos é a extraordinaria calidade e variedade das tapas que entran a concurso. Imos facer un percorrido dende o Manso, primeiro premio mellor tapa creativa, á Bodeguilla de San Roque e o Afiador, segundo e primeiro premios de tapa tradicional, para coñecer algunhas das mellores creacións deste ano. 

Seguimos a nosa sección @omellordoSANTIAGOÉTAPAS cunhas propostas gastronómicas que van dende o máis creativo até o máis tradicional, sempre coa mellor calidade. Colle lápis e papel porque a cousa promete....

MANSO PRIMEIRO PREMIO MELLOR TAPA CREATIVA

Sopa Express

INGREDIENTES:

1 g de alga en pó

1 g de verdura liofilizada

5 g de ovas de troita

1 navalla en conserva (Frinsa)

2 berberechos en conserva (Frinsa)

20 cl de caldo base

Aneto

Perifol

2 g de tapioca pearls

ELABORACIÓN: Elaborar un caldo base con carcasas de polo, ósos de xamón e verduras de tempada. Cocer e reducir, para despois filtrar e reservar.

Por outra banda, triturar as verduras liofilizadas e as algas, cortar a navalla, o berberecho e dispoñer todo no fondo do prato, deixando xelatinizar coa auga de conserva. Rematar coas ovas e a tapioca. Acompañar co caldo moi quente e posto a punto.

 O AFIADOR PRIMEIRO PREMIO MELLOR TAPA TRADICIONAL

(Vaca)³

INGREDIENTES:

Solombo, Lombo e xarrete de vaca

Sal

Pementa

Aceite de oliva

Queixo San Simón

Verduras de tempada

Viño branco

ELABORACIÓN: Realizar un carpaccio co solombo de vaca aderezado con sal, pementa, aceite de oliva e queixo san Simón. Salpementar o lombo e marcar á prancha. Realizar un estufado coa carne de xarrete, as verduras e o viño branco a lume lento. Montar o prato coas tres preparacións da carne por separado.

LA BODEGUILLA DE SAN ROQUE SEGUNDO PREMIO MELLOR TAPA TRADICIONAL

Quiche de lacón con grelos e queixo Arzúa - Ulloa

INGREDIENTES:

Masa quebrada

Sal pementa

Noz moscada

Leite

Ovos

Nata

Queixo Arzúa Ulloa

Grelos

Lacón

  

ELABORACIÓN:

Forrar o molde e precocer entre 10 e 15 minutos. Elaborar un lacón con grelos e preparar unha crema suave con leite, nata, noz moscada e salpementar.

Picar o lacón con grelos e reencher o molde cubrindo coa crema e rematar cun anaco de queixo de Arzúa-Ulloa. Enfornar ata derreter o queixo.