Nova Directiva en Hostelería Compostela

A XUNTA DIRECTIVA DE HOSTALERÍA COMPOSTELA TOMA POSESIÓN DOS SEUS NOVOS CARGOS

Sara Santos é a presidenta da sección de Hospedaxe e José Antonio Rivero, da sección de Restauración

Hoxe martes, 10 de febreiro, ás 10 da mañá, os 24 socios que presentaron a súa candidatura para seren elexidos como novos membros da seccións de Hopedaxe e Restauración da Directiva de Hostalería Compostela foron proclamados como membros electos e tomaron posesión dos seus novos cargos durante a Asemblea Xeral Extraordinaria convocada con tal motivo.

Xa non foi precisa a celebración dunha votación e os novos membros da Directiva tomaron posesión e escolleron os cargos en cadansúa sección, nunha asamblea presidida polos anteriores presidentes de Hospedaxe e Restauración e na que os novos presidentes, Sara Santos e José Antonio Riveiro coincidiron en destacar “a extroardinaria importancia deste colectivo, polo peso do sector turístico na cidade (…) somos un equipo moi unido, profesional e cheo de ilusión co obxectivo de defender os intereses dos asociados e sacar adiante os nosos proxectos cunha xestión transparente”, comentaron nunha breve declaración pública que fixeron diante dos medios

Santos e Riveiro convocaron aos medios de comunicación a unha vindeira xuntanza da nova directiva de Hostalería Compostela, o mércores 17 de febreiro ás 17 horas, e a unha posterior rolda de prensa, o xoves 19 ás 11 da mañá, onde xa van dar conta do seu programa de actuación e “da folla de ruta deseñada pola nova directiva de Hostalería Compostela para devolver a este colectivo ao lugar que lle corresponde e facer que cada vez sexamos máis socios e esteamos máis unidos, cunha asociación útil, moderna e proveitosa para todos e todas”.

Os membros da sección de Hospedaxe son Ghaleb Jaber, do Hotel Araguaney, Pablo Barreiro, do Hotel Los Abetos, Sara Santos, do Hotel Rúa Villar, Carlos Tardáguila, do Hotel San Lorenzo, Alberto Pico, do Hotel Suíza, Óscar García, do Hotel Garcas, Rita Sobrado, do Hotel Real, Rosa Iglesias, da Casa da Posta, Carmen Arán, da Pensión Mafer, Francisco Sal, da Pensión Santa Rita, María Silva, do Albergue Flavia e Lucía Mirás, do Sigüeiro Hostel.

E en Restauración están Lázaro Rodríguez, do Restaurante Cre-Cotte, José Antonio Riveiro, do Restaurante Casa da Viña, Javier Iglesias, do Restaurante Solpor, Alberto Sar, do Restaurante Tropic, Germán González, do Restaurante O Celme do Caracol, Jesús Peón, do Sónar, Isabel Rodríguez, do Restaurante Santiaguiño, Natalia Devesa, do Restaurante Polígono, Juan López, do Restaurante La Cavita, Marta Leonor Varela, do Café Casino, José Ramón Seoane, do Café Bar Rakel, e Juan Carlos García, do Café Bar Nexus.